Berisha mbërrin në Kryeministri, Luçiano Boçi: Pse u mbyll pikërisht tani TikTok

Luçiano Boçi, nënkryetar i PD-së, ka ngritur disa pyetje lidhur me mbylljen e TikTok në Shqipëri, e cila soli dhe protestën e sotme. Ai thekson se kjo masë, e marrë disa javë para nisjes së fushatës elektorale, ngre dyshime mbi motivet dhe pasojat e saj.

“Ngrihen disa pyetje normale tani,” tha Boçi. “Pse u mbyll pikërisht tani TikTok, para fushatës elektorale, dhe pse ky vendim u mor për një periudhë vetëm 1-vjeçare? Cfarë do të ndodhë me këtë rrjet social? A do të edukohen përdoruesit dhe menaxhuesit e tij?”

Boçi gjithashtu theksoi se mbyllja e TikTok mund të jetë një zgjidhje jo e duhur për të parandaluar përhapjen e informacioneve që kanë efekte negative tek të rinjtë. Sipas tij, vendet e tjera kanë përdorur filtrat e informacionit si një mjet efektiv për të parandaluar përhapjen e përmbajtjes që mund të shkaktojë dhunë apo ndikime negative.

“Një zgjidhje më e pranueshme do të ishte përdorimi i filtrave për të mbrojtur përdoruesit, sidomos ata më të rinjtë,” shtoi ai.

Nga ana tjetër, kreu i PD, Sali Berisha ka zbritur nga shtëpia e tij drejt Kryeministrisë, për t’iu bashkuar protestuesve.

Teksa zhvillohet protesta kundër mbylljes së Tik Tok, qytetarët dhe aktivistët kërkojnë më shumë transparencë dhe mbrojtje për lirinë e shprehjes në rrjetet sociale.

LEXONI GJITHASHTU:

• Protestë kundër mbylljes së Tik Tok: Nis tubimi i PD-së, angazhohen 800 policë
• Protesta e opozitës për TikTok-un, Noka: Rama ka panik nga fjala e lirë