“Putin po luan lojën”- Ministri gjerman i Mbrojtjes akuza të forta Rusisë
Ministri gjerman i Mbrojtjes, Boris Pistorius, akuzoi të mërkurën presidentin rus Vladimir Putin se nuk i ka qëndryar fjalëve të dhëna në bisedën me telefonike me Trump, se do të ndalonte sulmet ndaj infrastrukturës kritike në Ukrainë. Menjëherë pas bisedës telefonike mes presidentin amerikan dhe Putin, Ukraina raportoi sulme të reja mbi infrastrukturën e saj civile.
“Ne kemi parë se sulmet ndaj infrastrukturës civile nuk janë zbutur aspak natën e parë pas kësaj telefonate të supozuar novatore dhe të rëndësishme mes Putinit dhe presidentit amerikan Donald Trump,” deklaroi Pistorius, në një intervistë televizive.
“Putini po luan një lojë,” shtoi ai.
Në bisedën 90-minutëshe të zhvilluar të martën me Trump, presidenti rus ra dakord për një angazhim të kufizuar 30-ditor për ndalimin e sulmeve ndaj infrastrukturës energjetike, por refuzoi një armëpushim të plotë në Ukrainë. Megjithatë, pas sulmeve të reja, presidenti ukrainas Volodymyr Zelensky akuzoi Moskën për refuzimin e një armëpushimi të mbështetur nga SHBA, të cilin Kievi e kishte pranuar më parë.
Ministri gjerman Pistorius kritikoi angazhimin e Rusisë për ndalimin e sulmeve ndaj infrastrukturës energjetike të Ukrainës, pasi objektet kyçe në Ukrainë tashmë janë “të mbrojtura në mënyrën më të mirë të mundshme”.
Gjithashtu, ai e quajti “të papranueshme” kërkesën e Kremlinit që një “kusht kyç” për paqen të ishte ndërprerja e plotë e mbështetjes ushtarake dhe inteligjencës perëndimore për Ukrainën.
“Kjo është transparente,” tha Pistorius, duke theksuar se synimi i Putinit është të pengojë mbështetjen e aleatëve ndaj Ukrainës, për të mos u mbrojtur siç duhet në një sulm të ardhshëm.
LEXONI GJITHASHTU:
Ambasadori francez: Franca do t’i japë Ukrainës avionë luftarakë Rafale dhe Mirage 2000-5
Disa të plagosur nga shembja e ingranazhit të hundës së një avioni në Frankfurt (VIDEO)
Autorja e nominuar për çmimin Oscar, Marjane Satrapi ndërron jetë në moshën 56-vjeçare
- 16:57 Ambasadori francez: Franca do t’i japë Ukrainës avionë luftarakë Rafale dhe Mirage 2000-5
- 16:53 Bayer Leverkusen shkarkon Hjulmandin, e zëvëndëson Martinez Novell
- 16:48 Ndërtimi në Zvërnec, Rama zbulon arkitektin: Artist i madh i natyrës. Prezantoi në Tiranë vizionin e tij
- 16:41 Udhëheqësi i Hezbollahut hedh poshtë planin e armëpushimit Liban-Izrael: Negociatat janë të turpshme
- 16:28 Disa të plagosur nga shembja e ingranazhit të hundës së një avioni në Frankfurt (VIDEO)
- 16:22 Vrasja e policit në Maliq, Hita: Nuk kam pasur dijeni për operacionin, do kishim marrë masa më të forta