McLaren fiton një tjetër garë, Oscar Piastri i pari në çmimin e madh të Kinës

McLaren ka rrëmbyer fitoren e dytë në 2 garat e zhvilluara, duke konfirmuar nisjen perfekte në botërorin e ri të Formula 1.

Ndryshimi i vetëm është që ndryshe nga një javë më parë ku triumfonte Lando Norris, këtë herë ishte radha e Oscar Piastrit, që e kaloi i pari vijën e finishit. Në çmimin e madh të Kinës u zhvillua një garë vërtet emocionuese, teksa pritej padyshim një renditje më e mirë e Ferrarit, me Hamilton që e nisi i pari.

Të papritura nuk kishte ndryshe nga ajo cka prodhoi Melburn, por sërish Formula 1 nuk zhgënjen edhe pse pilotët në pak raste ia dolën të bëjnë parakalime. Treshja e parë ishte ajo që përgjatë gjithë garës luftuan disi të shkëputur, duke mos i dhënë mundësinë holandezit Max Verstappen të sigurojë podiumin, por u rendit i katërti.

Dyshja Leclerc-Hamilton e Ferrarit nga të cilët pritej shumë këtë sezon, nuk e kanë nisur mirë, pasi në Kinë u renditën në vendet 5-6. E njëjta gjë edhe për Redbull që është shumë larg botërorit të shkuar ku kampion u kurorëzua Verstappen, i renditur i katërti në Kinë, ndërsa bashkëlojtari i tij i 16-ti. Sa i përket renditjes së pilotëve me pikët e grumbulluara në dy garat e parë, kryeson Norris me 44, e pas tij Verstappen 36 e Russell 35. Në garën mes skuderive kryeson McLaren me 78 pikë deri më tani, një nisje perfekte.