“Plani i Rritjes”, BE miraton 64.5 milionë euro para financim për Shqipërinë

Bashkimi Europian planifikon të japë 922 mln euro për Shqipërinë, si pjesë e paketës për integrimin dhe planin e rritjes ekonomike në Ballkanin Perëndimor.

Fillimisht ajo do të parafinancojë reformat dhe programin që Shqipëria po zbaton me një fond 64 mln euro nga të cilat, 30 milionë euro në buxhetin e shtetit dhe 34 kalojnë përmes Fondit të investimeve për infrastrukturën.

Parafinancimi mbulon periudhën deri në vitin 2027, dhe përkon me një strategji që do të dyfishojë rritjen ekonomike të vendit përgjatë 10 viteve.

Ndërkohë, pjesa tjetër do të mbështesë investimet në infrastrukturë, duke përfshirë transportin, energjinë dhe tranzicionin e gjelbër dhe dixhital. Rritja e prodhimit të energjisë, hekurudhat dhe autostradat janë disa prej fushave të investimit, që do të mbulohen nga fondet që do të kalojnë në fazën e dytë.

E gjithë shuma do të shpërndahet në formën e granteve dhe kredive me interesa të favorshme.

Plani i BE-së prek njëkohësisht edhe 5 vendet e tjera të Ballkanit Perëndimor, të cilat së bashku do të përfitojnë 6 mld euro.

LEXONI GJITHASHTU:

• SHBA nis valën e sulmeve ajrore ndaj Huthëve të Jemenit
• Skandal në kabinetin Trump, i dërgojnë gazetarit planin sekret të luftës