Erdogan dhe Putin zhvillojnë një bisedë telefonike, zbardhen diskutimet
Presidenti i Turqisë, Recep Tayyip Erdogan, ka zhvilluar një bisedë telefonike me homologun rus, Vladimir Putin, ku u diskutua mbi marrëdhëniet dypalëshe dhe zhvillimet rajonale e globale. Sipas Drejtorisë së Komunikimeve të Presidencës turke, Erdogan theksoi rëndësinë e bashkëpunimit mes Turqisë dhe Rusisë për zgjidhjen e çështjeve rajonale.
Gjatë bisedës, presidenti turk deklaroi se Turqi po e ndjek me kujdes procesin për t’i dhënë fund luftës mes Rusisë dhe Ukrainës dhe është e gatshme të ofrojë çdo mbështetje për negociatat e paqes, duke përfshirë edhe mikpritjen e tyre në Turqi.
Sipas mediave turke, në lidhje me sigurinë e lundrimit tregtar në Detin e Zi, Erdogan nënvizoi se hapat e vullnetit të mirë do të ndihmojnë procesin e paqes dhe riafirmoi angazhimin e Turqisë për të parandaluar shndërrimin e Detit të Zi në një zonë konflikti.
Një tjetër temë e rëndësishme e diskutimit ishte situata në Siri. Erdogan theksoi se bashkëpunimi mes Turqisë dhe Rusisë është thelbësor për arritjen e paqes dhe stabilitetit në vend, duke ruajtur tërësinë territoriale të Sirisë, shkruan Analodu Agency.
Erdogan vuri në dukje rëndësinë e kundërshtimit të përpjekjeve për të nxitur ndasi etnike dhe sektare dhe theksoi nevojën për të punuar së bashku për heqjen e të gjitha sanksioneve kundër Sirisë.
“Presidenti turk përsëriti qëndrimin e tij se burimet natyrore të Sirisë duhet t’i përkasin qeverisë siriane dhe se Turqi mbështet integrimin e “Forcave Demokratike Siriane” në administratën qendrore. Gjithashtu, ai theksoi se eliminimi i plotë i organizatave terroriste nga Siria është kyç për stabilitetin e vendit”, përfundon Analodu.
LEXONI GJITHASHTU:
Mot i keq në Shkodër, autoritetet apel qytetarëve: Shmangni zonat me risk
Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
Debat në “Now”, Nurellari: Duhet mbrojtur natyra! Ish-ministri Bajrami: Ka tentativë për destabilizim, Koka: U derdh gota e durimit
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta