Mungesa e rrugës e energjisë elektrike, banorët e Hotit të Ri: Bojkotojmë zgjedhjet

Banorët e Hotit të ri kanë protestuar mëngjesin e së martës në qendër të fshatit për shkak të rrugës, e cila është e amortizuar si dhe problematikës me furnizimin me energji elektrike.

 “Problemi i asfaltit , si mund të shkojnë një fëmijë në kohën e dimrit në shkollë? Si mund të shkojnë në kohën e verës prej pluhurit ?  Na po punojmë për me rritë fëmijët po këqyr nuk i shërben fëmijës është një e keqe nesër për të gjithë. I jena drejtuar bashkisë në çdo kohë, kryeplakut por  nuk është marrë kush me këtë punë.”

“Te  kryqëzimi i rrugës e deri te shtëpia e fundit që jam unë më familjare atje, skandaloze . Një pjesë e këtyre banorëve kanë blerë shtylla private, bile dhe unë jam nga ata, disa drunj, janë 1 mijë tela, ndërsa atyre është lidhë dhe interneti si rrezik për fëmijët e shkollës.”

“Unë shumë vështirë e kam, i ku e shihni vetë . Shpeshherë me u rrëzua prej gropave prej ganave , pa drita nuk shihet. Prishet për çdo ditë mjeti, nuk ka kush e lëviz shumë keq. Darkave me frikë se nuk ka drita.”

Banorët kërcënojë se në rast se nuk do merren masa para zgjedhjeve të 11 majit, ata do të bojkotojnë votimin.

 “Për mendimin tem as edhe një nuk shkon në qendër votimi po nuk u mor me dokument që po fillon rruga dhe instalimi i bistekut dhe i ujit.”

Ky segment rrugor prej rreth 1 km lidh fshatin me rrugën kryesore ndërsa pavarësisht shumë premtime zgjedhore, deri më sot askush nuk ka investuar në këtë zone më afro 1 mijë banorë.

LEXONI GJITHASHTU:

• Euro në nivele të ulëta, me sa shiten dhe blihen monedhat e huaja
• Daçiq: Angazhimi i Serbisë ka parandaluar fletarrestimet për Dodikun dhe Stevandiqin