Trump po kërkon shtete për të dërguar të dëbuarit nga SHBA, mes tyre edhe Kosova
Administrata e presidentit Donald Trump po shqyrton mundësinë e arritjes së marrëveshjeve me disa shtete për të pranuar emigrantët e dëbuar nga Shtetet e Bashkuara.
Siç raporton “Wall Street Journal”, mes vendeve të cilave Trump u ka kërkuar të pranojnë të deportuarit ështe edhe Kosova.
Media amerikane pretendon se SHBA po shpreson që këto vende, ku përfshihen gjithashtu Libia, Ruanda, Moldavia e Mongolia, do të pranojnë kërkesën në këmbim të marrëveshjeve financiare apo përfitimeve politike për ndihmën që do t’i ofrojnë Trump të përmbushë një prej prioriteteve kyçe.
“Administrata amerikane shpreson që këto shtete të bien dakord, ndoshta në këmbim të marrëveshjeve financiare apo përfitimeve politike. Ndër shtetet që SHBA ka kërkuar të pranojnë emigrantët e deportuar janë Libia, Ruanda, Benini, Eswatini, Moldavia, Mongolia dhe Kosova”, shkruan “Wall Street Journal”, duke cituar burime të njohura me procesin.
Një model për këtë qasje është përdorur në një marrëveshje të arritur me Panamanë në shkurt, sipas së cilës SHBA dërgoi një avion me mbi 100 emigrantë, kryesisht nga Lindja e Mesme, në këtë vend të Amerikës Qendrore.
Mbetet ende e paqartë nëse Kosova dhe shtetet e tjera të listuara do të pranojnë kushtet e propozuara nga administrata amerikane.
LEXONI GJITHASHTU:
Aeroportet e Romës do të pezullojnë sistemin e ri EES gjatë verës për të shmangur fluksin e lartë të pasagjerëve
Tërmetet vdekjeprurëse në Venezuelë, reagon edhe Putin: Solidaritet dhe mbështetje për popullin venezuelian
Shakira surprizon fansat, kërkon bashkëpunim me Dua Lipën (VIDEO)
- 12:56 Rama nga Polonia: Ukraina po rindërton guximin e Evropës, Evropa të ardhmen e saj
- 12:48 Aeroportet e Romës do të pezullojnë sistemin e ri EES gjatë verës për të shmangur fluksin e lartë të pasagjerëve
- 12:44 Ali Ahmeti reagoi kundra protestave në Shqipëri, reagon Bardhi: Po keq përdoret nga PS
- 12:33 Bardhi: Mocioni për protestën dhe raportin e PE u rrëzua pa argument, Parlamenti i vetmi që nuk i ka kushtuar vëmendje
- 12:30 Akuzat për sigurinë ushqimore në Akademinë e Sigurisë, reagon “SORI-AL”
- 12:30 Tërmetet vdekjeprurëse në Venezuelë, reagon edhe Putin: Solidaritet dhe mbështetje për popullin venezuelian