Al Kaeda bëri thirrje për vrasjen e Princit Harry pasi niveli i sigurisë së tij u ul

Rrjeti terrorist Al Kaeda bëri thirrje për vrasjen e Princit Harry të Britanisë, duke thënë se vdekja e tij do të kënaqte komunitetin mysliman, tha përfaqësuesi ligjor i princit sot në gjykatën në Londër.

Siç theksoi avokatja Fatima Shahid para Gjykatës së Lartë të Drejtësisë, Al Kaeda bëri thirrje për vrasjen e Princit Harry pasi niveli i sigurisë që iu ofrua gjatë qëndrimit të tij në Mbretërinë e Bashkuar u ul në vitin 2020, raporton Daily Mail.

Në fillim të vitit 2020, Princi Harry mori vendimin të largohej nga një “pozitë e lartë” në familjen mbretërore britanike, të bëhej i pavarur financiarisht, të përfaqësonte monarkinë britanike në një shkallë të reduktuar dhe të kalonte gjysmën e kohës së tij në Amerikën e Veriut.

Më pas Komiteti Ekzekutiv për Mbrojtjen e Familjes Mbretërore vendosi që princi gëzonte një nivel më të ulët mbrojtjeje kur ishte në MB, gjë që u pasua nga beteja ligjore e princit me Ministrinë e Brendshme.

Princi Harry nuk ka pasur mbrojtjen e truprojave të financuar nga taksapaguesit që atëherë.

Përfaqësuesja ligjore e Princit Harry, Fatima Shahid, njoftoi sot se ekipi i sigurisë së princit publikoi një dokument ku thuhej se “vdekja e Princit Harry do të kënaqte komunitetin mysliman”.