Burime për Euronews Albania: Partia Demokratike nuk do t’i njohë zgjedhjet

Kryetari i Partisë Demokratike, Lulzim Basha, ka zhvilluar pasditen e sotme një takim me kryetarët e degëve dhe sekretarët e selisë blu.

Burime jo-zyrtare bëjnë me dije se Lulzim Basha ka pohuar se Partia Demokratike nuk do t’i njohë zgjedhjet e 25 prillit dhe do të ndjekë të gjitha rrugët ligjore për t’i kontestuar ato.

“PD nuk do t’i njohë zgjedhjet e 25 prillit dhe do të ndjekë rrugën ligjore për kontestimin e tyre”, mësohet të jetë shprehur Basha.

Partia Demokratike ka akuzuar qeverinë se ka përdorur fondet publike në kundërshtim me ligjin për të orientuar votën e qytetarëve në zgjedhjet e 25 prillit.

Konkretisht, selia blu pretendon se mazhoranca ka ndarë para për familjet e dëmtuara nga tërmeti një javë para zgjedhjeve parlamentare.

“Gjatë muajit mars, bashkitë e kontrolluara nga Rama disbursuan në llogaritë e familjeve të këtyre zonave 14 milionë euro. 26 milionë euro të tjera u disbursuan në llogaritë e qytetarëve gjatë muajit prill. Vetëm gjatë javës zgjedhore, në Bashkinë e Durrësit ndau 6 milionë euro për procesin e rindërtimit, 89 herë më shumë se sa ka shpërndarë kjo bashki në 15 muajt e fundit”, thuhet në denoncimin e ish-deputetit Oerd Bylykbashi, të bërë dy ditë më parë.

Lexoni gjithasahtu:  

PD: Qeveria ndau para për të dëmtuarit nga tërmeti javën e fundit të fushatës