Japonia bën paralajmërimin e fortë për tarifat: Mund të përmbysin rendin ekonomik
Kryeministri japonez Shigeru Ishiba ka lëshuar një paralajmërim të fortë lidhur me pasojat e mundshme të tarifave të vendosura nga Shtetet e Bashkuara, duke thënë se këto masa mund të dëmtojnë rëndë, ose madje të përmbysin, rendin ekonomik global. Ai bëri këto komente gjatë një fjalimi në parlamentin japonez. Ky është paralajmërimi më i fortë i Japonisë për pasojat negative të politikave tregtare të Presidentit Donald Trump.
Ishiba shpjegoi se, Japonia është e shqetësuar për këto veprime të SHBA-së, dhe shtoi se vendi do të vazhdojë të kërkojë gjetjen e një gjuhe të përbashkët me Uashingtonin. Kryeministri tha se është e rëndësishme që dy vendet të mbajnë një bashkëpunim të ngushtë, jo vetëm në fushën e tregtisë, por edhe në çështjet e sigurisë kombëtare dhe rajonale.
“Në negociatat me SHBA-në, ne duhet të kuptojmë se çfarë fshihet pas argumenteve të Presidentit Trump, si nga aspekti logjik, ashtu edhe nga ai emocional. Unë jam plotësisht i vetëdijshëm për faktin se ajo që ka ndodhur deri më tani ka potencialin të shkaktojë përçarje në rendin ekonomik global,” tha Ishiba.
Kryeministri theksoi gjithashtu se qeveria japoneze nuk po shqyrton mundësinë e një buxheti suplementar për momentin, por është e gatshme të veprojë menjëherë për të lehtësuar ndikimin negativ të tarifave shtesë të SHBA-së mbi ekonominë japoneze. Komentet e tij vijnë vetëm pak orë para fillimit të bisedimeve dypalëshe tregtare, ku tema kryesore pritet të jenë tarifa si dhe çështjet që lidhen me kursin e këmbimit.
LEXONI GJITHASHTU:
Deklaratat antisemite të artistit, Gjykata holandeze i hap rrugën koncerteve të Kanye West
SpaceX drejt ofertës publike fillestare më të madhe në histori, prej 75 miliardë dollarësh
Dhoma e Përfaqësuesve miraton masën për t’i dhënë fund luftës në Iran
- 10:30 Kuvendi mban një minutë heshtje për efektin e policisë të vrarë në krye të detyrës në Maliq (VIDEO)
- 10:27 LIVE- Efektivi i policisë vritet në krye të detyrës në Maliq, plagoset kolegu. Reagimet e politikës
- 09:59 Presidenti Begaj reagon për vrasjen e efektivit në Korçë: Policia nuk do të zbrapset
- 09:53 Vrasja e policit në Maliq, reagon ministri i Brendshëm: Dënoj me forcën më të madhe këtë akt kriminal
- 09:44 U plagos në Lozhan të Maliqit, efektivi i ‘Shqiponjave’ niset me helikopter drejt Traumës
- 09:33 Vrasja e policit në Korçë, reagon Rama: Nderim përjetë Dëshmorit të Atdheut