Meloni viziton Shtëpinë e Bardhë, pritet të takohet me Presidentin Trump

16 Prill 2025 | 09:20

Kryeministrja italiane Giorgia Meloni do të takohet këtë të enjte me Presidentin Donald Trump në Shtëpinë e Bardhë, në një përpjekje për të lehtësuar tensionet mbi tarifat amerikane ndaj mallrave evropiane dhe për të pozicionuar veten si një urë lidhëse midis Uashingtonit dhe Brukselit.

Meloni është duke manovruar në një terren të vështirë, duke balancuar afinitetin e saj ideologjik me presidentin amerikan dhe lidhjet e saj me aleatët evropianë, të cilët kanë kritikuar ashpër rritjen e tarifave nga Trump dhe vendimin e tij për të përjashtuar Bashkimin Evropian nga bisedimet me Rusinë për të mbyllur luftën në Ukrainë.

Pavarësisht presionit ër të mbrojtur ekonominë e Italisë, Meloni do të kërkojë të mbrojë interesat e Italisë dhe të gjithë bllokut të BE-së. Ministrat e qeverisë franceze kanë paralajmëruar se Meloni mund të minojë unitetin e BE-së duke udhëtuar e vetme në Uashington, por Komisioni Evropian ka mirëpritur udhëtimin e saj, duke theksuar se ajo ka mundësinë për të shërbyer si një ndërmjetësues i mundshëm për të krijuar një mjedis për një marrëveshje tregtare mes dy palëve.

Vendimi i papritur i Trump javën e kaluar për të pezulluar shumicën e tarifave globale për 90 ditë ka lehtësuar pjesërisht presionin ndaj Melonit, pasi kjo do t’i mundësojë asaj të fokusohet në krijimin e kushteve të favorshme për një marrëveshje në vend të përpjekjeve për të arritur një marrëveshje të menjëhershme.

Lorenzo Castellani, analist politik në Universitetin Luiss në Romë, tha se “Meloni tani po udhëton jo si një përfaqësuese e një konflikti të hapur me BE-në, por si një ndërmjetëse de fakto.” Kjo mund të jetë një mundësi për të forcuar pozitat e Italisë në marrëdhëniet ndërkombëtare, ndërkohë që ruan unitetin e BE-së.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Ambasadori francez: Franca do t’i japë Ukrainës avionë luftarakë Rafale dhe Mirage 2000-5 

Avionët luftarakë Rafale të Francës do t’i shtohen së shpejti flotës së Forcave Ajrore të Ukrainës, shkroi ambasadori francez në Suedi, Thierry Carlier, në X....
16:57 | 04/06/2026

Disa të plagosur nga shembja e ingranazhit të hundës së një avioni në Frankfurt (VIDEO)

Disa anëtarë të stafit u plagosën kur ingranazhi i hundës së një avioni i linjës 787 u rrëzua papritur në një portë në aeroportin e...
16:28 | 04/06/2026

Autorja e nominuar për çmimin Oscar, Marjane Satrapi ndërron jetë në moshën 56-vjeçare

Autorja, regjisorja, ilustratorja dhe aktivistja franko-iraniane Marjane Satrapi, e njohur për serinë e saj të romaneve grafike dhe filmin Persepolis, ka vdekur në moshën 56...
16:14 | 04/06/2026