Para “të pista” nga Anglia, sekuestrohen pasuritë e një shtetasi në Elbasan

Me kërkesë të Prokurorisë Elbasan janë konfiskuar pasuritë e shtetasit L.C. me prejardhje nga veprimtaria kriminale në Mbretërinë e Bashkuar.

Me kërkesë të Prokurorisë së Shkallës së Parë të Juridiksionit të Përgjithshëm Elbasan,  u shpall fajtor për veprën penale “Pastrimi i produkteve të veprës penale ose veprimtarisë kriminale”, shtetasi L.C. si dhe u konfiskuan tre pasuri të paluajtshme me prejardhje nga veprimtaria e tij kriminale në Mbretërinë Bashkuar.

Prokuroria pranë Gjykatës së Shkallës së Parë Juridiksionit të Përgjithshëm Elbasan, në përfundim të gjykimit të procedimit penal për veprën penale “Pastrimi i produkteve të veprës penale ose veprimtarisë kriminale”, në ngarkim të shtetasit L.C, konfiskoi pasuritë e mëposhtme: Pasuria e paluajtshme e llojit “Apartament”,  ne qytetin e Elbasanit; Pasuria e paluajtshme e llojit “Garazh”,  ne qytetin e Elbasanit; dhe pasuria e paluajtshme e llojit “Garazh”,  ne qytetin e Elbasanit.