AMP dhe BKH do ekzekutonin urdhër-arrestin, shefi i qarkullimit tentoi të largohej

Lidhur me urdhër-arrestin të lëshuar ditën e sotme nga SPAK për shefin e qarkullimit rrugor Tiranë,  burime bëjnë me dije se Agjencia e Mbikqyrjes Policore dhe Byroja Kombëtare e Hetimit kanë shkuar të ekzekutojnë urdhërin e arrestit për Roven Zekën.

Ky i fundit nuk ka pranuar një vendim të tillë dhe ka tentuar të arratiset me vrap. Në këtë moment, Zeka është ndaluar nga agjentët e AMP.

Urdhër arresti është lëshuar gjithashtu edhe për Sokol Novakun, shef i Sektorit të Aksidenteve në Policinë Rrugore dhe Edison Tabakun, oficer i Policisë Gjyqësore.

Tre zyrtarët e Policisë Rrugore të Tiranës, dyshohet se janë përfshirë në një rast korrupsioni, se i kanë marrë para një gruaje për një aksident.

LEXONI GJITHASHTU:

• SPAK lëshon urdhër-arrest për shefin e qarkullimit rrugor të Tiranës
• Tragjedi në Kroaci, ish-futbollisti i njohur ndërron jetë në aksident rrugor