Përplasje e policisë me të djathtët ekstremë në festivalin e filmit LGBTQ+ në Kiev

Para kinemasë “Zhovten” në Kiev, ku po mbahet festivali i filmit LGBTK+ “Sunny bunny” sot ka ndodhur një përplasje mes policisë dhe demonstruesve të ekstremit të djathtë, raportojnë mediat ukrainase.

Siç raporton Suspiln, anëtarët e grupit të quajtur “Rinia e Vërtetë” u mblodhën para kinemasë në mbështetje të, siç deklaruan, “vlerave tradicionale” dhe protesta u shndërrua në një konflikt me policinë, raporton Kyiv Independent.

Festivali “Sunny Bunny”, i cili filloi sot, është festivali i parë i filmit queer ukrainas, dhe fillimisht ishte një program në kuadër të Festivalit Ndërkombëtar të Filmit të Shkurtër në Kiev.

Për shkak të mbivendosjes së tij me fundjavën e Pashkëve, festivali ngjalli debat në internet nëse koha e hapjes së tij ishte e përshtatshme, me organizatorët që thanë se datat ishin të paracaktuara dhe rastësisht përkonin me Pashkët.

LEXONI GJITHASHTU:

• Merz tregon gatishmërinë për të furnizuar Kievin me raketa
• Rusia sulmon Kievin me raketë balistike