Të paktën 5 të vdekur pas shembjes së një ndërtese 3-katëshe në periferi të Lagos

Të paktën pesë persona vdiqën dhe 15 u shpëtuan pasi një ndërtesë trekatëshe u shemb në shtetin jugperëndimor të Nigerisë, Lagos, tha sot Agjencia Kombëtare e Menaxhimit të Emergjencave (NEMA).

Një ndërtesë trekatëshe u shemb mëngjesin e së shtunës në një periferi të Lagos, raportoi portali nigerian “Premium Times”.

Ndërtesa, ku ndodhej restoranti i njohur Equal Right, u shemb rreth orës 8 të mëngjesit me orën lokale, duke bllokuar disa banorë dhe kalimtarë.

Dëshmitarët okularë thanë se në momentin e ngjarjes, ndërtimi i objektit ishte duke u zhvilluar.

Ekipet e reagimit emergjent nga NEMA, Agjencia Shtetërore e Menaxhimit të Emergjencave të Lagos (LASEMA) dhe agjenci të tjera janë në vendngjarje.

LASEMA bëri të ditur se shkak i aksidentit me shumë gjasa ka qenë renovimi i objektit pa leje.

LEXONI GJITHASHTU:

• Dalin pamjet e sulmit në arenën e gjelave në Ekuador, 12 të vdekur e 4 të arrestuar
• Të paktën 5 të vdekur nga dallgët gjigante në plazhet e Australisë