“Po shkel ligjin”, Balla përplaset ashpër me komisionerët e votës së diasporës

Drejtuesi politik i diasporës, Taulant Balla ka pasur një debat me komisionerët në Parkun Olimpik në Tiranë, kjo për shkak të kërkesës së Partisë Demokratike për mos numërimin e votave të Greqisë.

Balla e ka shprehur këtë në formë ankese duke iu drejtuar përfaqësuese së KQZ-së. Ai pretendon se kjo e fundit ka shkelur ligjin dhe mund të përballet me kallëzim penal.

“Nuk mund ta shkelësh ligjin edhe pse je përfaqësuese e KQZ-së. Nuk ke asnjë të drejtë të shkelësh ligjin. Ti je aty të respektosh ata. Ti po shkel ligjin dhe ne ruajmë të drejtën për të bërë kallëzim penal edhe ndaj teje. Ajo që je duke bërë është përtej kompetencës që ke ti.

Kush është arsyeja që ju nuk numëroni votat e Greqisë, kërkoji provë dhe pastaj shko dhe shqyrtoje provën që thonë ata. Je në shpërdorim detyre, po shkel ligjin. Shkon drejtoresha e KQZ-së dhe thotë shkelni ligjin. E rëndë. Ngarkoheni me përgjegjësi nëse nuk bëni detyrën”, tha Balla.

LEXONI GJITHASHTU:

• Policia reagon për përplasjen mes PD dhe PS te “Petro Nini”, çfarë konstatuam
• Numërohen 4 kutitë e para në Devoll, ja kush kryeson: Si është rezultati në Korçë