Trump: Rivendosen marrëdhëniet SHBA-Kinë nga lufta tregtare

Presidenti i SHBA-së, Donald Trump, thotë se SHBA-të kanë arritur një “rivendosje totale” në marrëdhëniet me Kinën, pasi të dy vendet ranë dakord të ulin tarifat për mallrat e njëri-tjetrit për 90 ditë.

Tregjet amerikane janë rritur ndjeshëm pas marrëveshjes midis Uashingtonit dhe Pekinit, një ulje e madhe e tensioneve në luftën e tyre tregtare.

Mediat e huaja raprtojnw se tregjet në SHBA tani po tregtohen në nivele të ngjashme me fillimin e vitit, duke shënuar një rimëkëmbje të konsiderueshme që kur Trump njoftoi tarifat e tij të “Ditës së Çlirimit” në prill.

Tarifat amerikane për importet kineze do të ulen nga 145% në 30%, ndërsa tarifat kineze për mallrat amerikane do të ulen nga 125% në 10%.

Përveçse ka folur për pauzën e tarifave me Kinën, Trump ka paraqitur planet e tij për të ulur çmimet e barnave në SHBA dhe për t’i sjellë ato në përputhje me pjesën tjetër të botës.

Pasi shpjegon ndryshimet e mëdha në çmimet farmaceutike që paguajnë pacientët amerikanë krahasuar me homologët e tyre në Mbretërinë e Bashkuar, BE dhe vende të tjera të zhvilluara, ai thotë se “ajo që po bëjmë është barazimi”.

Ai shton: “Të gjithë do të paguajmë njësoj, do të paguajmë atë që do të paguajë Evropa.”

Trump gjithashtu pretendon se SHBA-të do të paguajnë çmimin më të ulët në botë, kështu që “nuk po paguajmë më 10 herë më shumë se një vend tjetër.

LEXONI GJITHASHTU:

• Garë e fortë në Lezhë, si bëhet ndarja e mandateve
• Vlorë: PS kryeson bindshëm, ndarja e mandateve deri tani