Starmer: Britania dhe Shqipëria po forcojnë masat kundër emigrantëve të paligjshëm

Kryeministri britanik Keir Starmer tha në një konferencë të përbashkët me kryeministrin Edi Rama se qeveria britanike e ka çështje jetike mbrojtjen e kufijve nga emigrantët e paligjshëm.

Teksa shprehu kënaqësinë si i pari kryeministër britanik që vendos bashkëpunim zyrtar dypalësh mes vendeve, Starmer vlerësoi bashkëpunimin mes autoriteteve shqiptare dhe atyre britanike për uljen e numri të gomoneve me emigrantë që hyjnë ilegalisht në Britaninë e Madhe.

“Është privilegj që jam kryeministri i parë britanik që vij këtu për një bashkëpunim dypalësh mes vendeve tona. Për mua kjo është një mundësi për të parë nga afër si po punojnë vendet tona për një nga sfidat më madhore për të goditur krimin ndërkufitar. Siç e kam thënë edhe në dokumentin e bardhë për emigracionin të miratuar të hënën, kufijtë e sigurt të vendit tonë janë jetike për ne. Njerëzit kërkojnë një sistem emigracioni që rivendos kontrollin në kufijtë tanë ndaj jam mirënjohjen për uljen e numri ë gomoneve që kalojnë ilegalisht. Kemi progres të konsiderueshëm në uljen e numrit të gomoneve dhe ky është shembull i asaj që dy vende mund të bëjnë nëse bashkëpunojnë. Task forca jonë ka punuar dhe ka funksionuar për frenimin e emigracionit të paligjshëm”, tha Starmer.