Trump: Asgjë nuk do ndodhë në Ukrainë derisa unë dhe Putin të takohemi

Presidenti amerikan, Donald Trump, ka deklaruar se bisedimet për paqe në Ukrainë nuk do të kenë përparim pa një takim të drejtpërdrejtë mes tij dhe presidentit rus, Vladimir Putin.

Komentet e Trump vijnë në një kohë kur presidenti ukrainas, Volodymyr Zelensky, ka kritikuar Rusinë për dërgimin e asaj që ai i quajti “ndihmës zëvendësues” në bisedimet e paqes që po mbahen në Turqi. Nga ana tjetër, Moska ka konfirmuar më parë se presidenti Putin nuk do të marrë pjesë personalisht në këto negociata.

“Shiko, asgjë nuk do të ndodhë derisa unë dhe Putini të takohemi. Dakord? Dhe padyshim që ai nuk do të shkonte. Ai do të shkonte, por mendoi se unë do të shkoja. Ai nuk do të shkonte nëse unë nuk do të isha atje dhe nuk besoj se do të ndodhë diçka, pavarësisht nëse ju pëlqen apo jo, derisa unë dhe ai të takohemi,” u shpreh Trump. “Por do të duhet ta zgjidhim, sepse shumë njerëz po vdesin.”

Deklarata e Trump shton tensionet në një moment delikat për përpjekjet ndërkombëtare për të ndalur luftën në Ukrainë, dhe nënvizon rolin që ai pretendon të ketë në një zgjidhje të mundshme të konfliktit.

LEXONI GJITHASHTU:

• “Pranë akordit me Iranin”- Trump nga Katari: Nuk ka arsye përse të përdorim armët
• Të paktën 54 të vrarë në Gazë nga bombardimet e pareshtura izraelite