Samiti Europian/ Kryeministri Rama mirëpret Sekretarin e Përgjithshëm të NATO-s

Kryeministri Edi Rama ka ndarë një video në rrjetin social facebook, teksa zhvillon mikpritjen ndaj Mark Rutte, Sekretarit të Përgjithshëm të NATO-s.

“Kënaqësi të mirëpres Sekretarin e Përgjithshëm të NATO-s, Mark Rutte, me të cilin diskutuam mbi forcimin e mëtejshëm të rolit të Shqipërisë në Aleancë, sfidat e sigurisë në rajon dhe kontributin tonë aktiv në NATO”, shkruan Rama.

Një pjesë e liderëve ka mbërritur në Tiranë që mbrëmjen e djeshme, ndërsa sot Samiti i gjashtë i Komunitetit Politik Europian, do të nis punimet në Tiranë nën logon “New Europe in a new world”. Në këtë mënyrë shënohet takimin për herë të parë në Ballkanin Perëndimor me pjesëmarrjen e liderëve, kryetarë shtetesh dhe qeverish nga 47 vende europiane, së bashku me drejtuesit e institucioneve kryesore evropiane dhe ndërkombëtare.

LEXONI GJITHASHTU:

• Pranë Skënderbeut/ Rama zbulon imazhe të ‘Shtëpisë së Evropës’ që do presë 47 liderë
• Axhenda e Samitit në Tiranë, çfarë pritet nga ceremonia e mirëseardhjes së liderëve