Rrëzimi i helikopterit në Finlandë, hetimi mund të zgjasë deri në një vit

Policia finlandeze filloi hetimin e shkaqeve të përplasjes së dy helikopterëve të shtunën, në të cilën humbën jetën pesë persona, dhe hetimi mund të zgjasë deri në një vit, njoftoi sot në një konferencë për shtyp përfaqësuesja e Agjencisë Finlandeze të Hetimit të Sigurisë, Tina Biber.

Ajo shtoi se personeli i agjencisë filloi një hetim në vend të shtunën pasdite dhe do të vazhdojë gjatë gjithë javës.

“Është e qartë se është ose një problem teknik, ose një faktor njerëzor, ose një kombinim i të dyjave. Hetimi mund të zgjasë 9-12 muaj “, theksoi Bieber.

Sipas saj, pyetja qendrore është distanca midis helikopterëve gjatë fluturimit dhe lartësia në kohën e përplasjes.

Policia ka marrë në pyetje ata që ishin pranë aksidentit dhe dëshmitarët okularë, raporton shërbimi publik finlandez Yle.

Mbetjet e dy helikopterëve Robinson R-44, nga të cilët kanë mbetur pak sepse shumica e tyre u dogjën, u dërguan në qytetin e Turkut për analiza të mëtejshme, ku është planifikuar edhe një autopsi e viktimave.

Kryeinspektori i Krimit, Olli Tojras i Policisë Kombëtare Kriminale të Finlandës, thotë se masat hetimore u nisën në terren të shtunën dhe hetimi është ende në fazat e hershme.

LEXONI GJITHASHTU:

• Presidenti Begaj në inaugurimin e Papa Leonit: Udhëheqja juaj zë shprese e uniteti
• Alarmi i Shefit të Inteligjencës Finlandeze: Reformimi i ushtrisë ruse, kërcënim