Alibeaj e pranon: Rezultati im ishte dështim, duhet ruajtur fytyra

Enkelejd Alibeaj pranoi në një intervistë për Euronews Albania se rezultati që partia e themeluar prej tij Djathtas 1912 kishte marrë në zgjedhjet e 11 majit ishte dështim.

Sipas tij kontributi i koalicionit që drejtonte do ishte i suksesshëm nëse do arrinin në një situatë që Edi Rama të mos ishte kryeministër.

“Është e udhës që çdo politikan do të duhet të japë sinjale duke filluar nga vetja. Rezultati që kam marrë unë është dështim. Është e udhës që dhe në këtë situatë do të duhet ruajtur fytyrën, serioziteti emancipimi politik po të doni ju. unë nuk jam nga ata, s’më keni dëgjuar ndonjëherë gjatë fushatës që të bëja nga ato parashikimet, do marr 7, 17. Një gjë e kam thënë edhe në studion tuaj, që kontributi ynë edhe i imi do ishte i suksesshëm nëse do arrinim në një situatë që Edi Rama të mos ishte kryeministër”, tha Alibeaj.