Gënjeu se ishte homoseksual, shqiptarit i humb e drejta për të qëndruar në Angli

Esmir Demaj, një kërkues azili nga Shqipëria, ka humbur të drejtën për të qëndruar në Britani pasi u zbulua se kishte mashtruar autoritetet, duke pretenduar se ishte homoseksual.

Kërkesa fillestare për azil e Demaj u refuzua në prill 2023, pas së cilës ai u kthye në Shqipëri. Më pas ai aplikoi për t’u kthyer në Mbretërinë e Bashkuar për t’u bashkuar me gruan e tij, por kjo kërkesë u refuzua nga zyrtarët e imigracionit në shtator 2023.

Vendimi i gjykatës deklaroi: “Z. Demaj kishte kërkuar pa sukses azil në Mbretërinë e Bashkuar në bazë të homoseksualitetit të tij të pretenduar. Ai tani është i martuar me një grua dhe pretendon se seksualiteti i tij ka ‘ndryshuar’.”

Shtetasi shqiptar apeloi vendimin e Ministrisë së Brendshme dhe e çoi çështjen e tij në Gjykatën e Shkallës së Parë.

Gjatë kësaj seance dëgjimore, gjyqtari pranoi se të qenit “aktualisht në një marrëdhënie heteroseksuale të përkushtuar” nuk do të thotë domosdoshmërisht se pretendimi i tij i mëparshëm se ka qenë homoseksual ishte “i pavërtetë”.

Pavarësisht se gjyqtari pranoi se “seksualiteti është një spektër”, gjykata vuri në dukje se marrëdhënia e Demaj me gruan e tij aktuale ndodhi njëkohësisht me homoseksualitetin e tij të pretenduar.

LEXONI GJITHASHTU:

• Karamuço zbardh konfliktet e nëndheshme Dumani-Manja, Ja çfarë pritet
• Rekomandimet e qeverisë/ Dervishi: PS kërkon rikthim te SPAK-u i Krajës jo i Dumanit