Rekomandimet e qeverisë/ Dervishi: PS kërkon rikthim te SPAK-u i Krajës jo i Dumanit

Gazetari Ferdinand Dervishi ishte këtë të hënë në “Now me Erla Mëhillin” në Euronews Albania ku tha se qeverisë socialiste e cila u mandatua për herë të katërt, nuk i duhet SPAK-u i Dumanit, por rikthim në SPAK-un e Krajës.

Duke komentuar rekomandimet e qeverisë ndaj SPAK, Dervishi tha se ky debat vjen në kohën e gabuar, pasi një situatë e ngjashme ka qenë edhe para katër vitesh ku PS mori mandatin e tretë.

“Momenti është shumë i gabuar. Po të shikojmë pikat, kemi të frenohen arrestimet spektakolare, respektimi i prezumimit të pafajësisë, përdorim proporcional i masave të sigurimit, ndëshkim alternativ, kjo është më e rrezikshmja, që kërkon masa më të lehta se arresti me burg.

Të gjitha këto pika nuk shkojnë më larg se ajo që ka thënë kryeministri para ca kohësh që goditjet duhet të ishin djathtas e që përfundoi me “mos guxo të vish te telefoni im”, pra atyre u duhet një SPAK më i frenuar pa iniciativë për të ndërmarrë veprime të forta. Pra nuk i duhet SPAK-u i Altin Dumanit, por i duhet rikthim te SPAK-u i Krajës”,-tha Dervishi.

LEXONI GJITHASHTU:

• Kërkoi video të numërimit në KQZ, Kalaja: Kam dyshime, do shkoj në Prokurori
• Përfundon numërimi i votës preferenciale në Lezhë, Diaspora përmbys kandidatët e PS