Kërkoi video të numërimit në KQZ, Kalaja: Kam dyshime, do shkoj në Prokurori

19 Maj 2025 | 21:14

Kandidati për deputet i Partisë Demokratike, Aulon Kalaja ishte këtë të hënë i ftuar në “Now me Erla Mëhillin” ku ka folur lidhur me një kërkesë që ai ka depozituar në KQZ ku ka kërkuar sigurimin e pamjeve filmike të numërimit të votave.

Kjo kërkesë e tij vjen pasi dyshon se është manipuluar vota preferenciale.

“Unë merrem me parimin, në rast se numëruesit e mi kanë vjedhur një votë, vota do kthehet te i zoti. Por nëse KQZ-ja nuk do e marrë përsipër, unë do i drejtohem prokurorisë. Do e bëj këtë se i kam premtuar qytetarëve se do e mbroj votën e tyre. Unë mandatin tim gjithsesi e kam marr, se kam marrë Krujën dhe Fushë-Krujën. Kam marr aq vota sa nuk ishte e pritshme”,-tha Kalaja.

I pyetur nga gazetari Flogert Muça nga studio e Euronews Albania nëse kërkesa e tij do dëmtojë kauzën e Partisë Demokratike, Kalaja tha:

“Unë nuk kam vjedhur asnjë votë, kam bërë një fushatë modeste që nuk kalon 10 milionë të vjetra. Madje i kam kërkuar edhe SPAK që ta vendos telefonin tim në përgjim. Unë besoj se do jetë vetë procesi që do e demaskojë. Unë nuk kam asgjë personale me askënd. Unë jam në betejën time dhe të drejtën time, koha do e tregoj nëse kam pasur të drejtë “,-tha Kalaja.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Nga Tropoja në Sanremo, Azgan Haklaj dhe e bija emocionojnë publikun me vallen shqiptare

Në një skenë të huaj, nën dritat e Sanremos, nuk u dëgjua thjesht muzikë… u dëgjua zemra e Shqipërisë që rrihte fort. Azgan Haklaj, së...
21:00 | 28/06/2026

Një person bie nga shkëmbi, forcat e kërkim-shpëtimit nisen drejt malit të Gopeshit

Një ngjarje e rëndë është shënuar këtë të diel në malin e Gopeshit, në njësinë administrative të Moglicës, në Maliq. Sipas informacioneve paraprake, një person...
20:46 | 28/06/2026

Operacion i madh kundër korrupsionit në Irak, arrestohen figura të rëndësishme politike

Një nga operacionet më të mëdha kundër korrupsionit në historinë moderne të Irakut është duke u zhvilluar, me forcat e sigurisë që kanë arrestuar politikanë,...
17:18 | 28/06/2026