Igli Tare shkon te Milani, zbulohen detaje nga kontrata: Sa do të jetë paga vjetore

Igli Tare ka nënshkruar kontratën me Milan, për tri vitet e ardhshme, por njoftimi nga klubi do të bëhet ditën e hënë. Sipas mediave italaine paga është dakordësuar dhe drejtori i ri sportiv do të arkëtojë 800,000 euro në vit.

Vendimi duket se erdhi pas humbjes së Milanit me Romën, ku pronari i klubit Gerry Cardinale kishte dhënë urdhër për përshpejtimin e emërimit të Tares.

Puna e Tares duhet nisur nga trajneri i ri dhe, natyrisht, lojtarët të cilët duhen larguar e të tjerë që duhet të afrohen për një projekt të ri fitues. Për trajnerin e ri ka shumë emra, mes tyre Xavi Hernandez, Massimiliano Allegri apo Thiago Motta.

Synimi i kuqezinjve është fillimisht rikthimi sa më i shpejtë në Champions League. Për Igli Taren do të jetë detyra e parë pas dy vitesh pushim. Ish-futbollisti i kombëtares dha rezultate shumë të mira si drejtues te Lazio nga 2008 deri në 2023.

LEXONI GJITHASHTU:

•  “Tersi” i Milanit në kupë, Bolonja e mposht në finale dhe i merr trofeun
• Milani eliminon Interin dhe kalon në finale, ëndërron trofeun