Dështimi me anijen luftarake, Koreja e Veriut arreston zyrtarin e katërt të lartë

26 Maj 2025 | 08:59

Koreja e Veriut ka arrestuar një zyrtar të katërt për shkak të dështimit të lëshimit në det të një anijeje të re luftarake, gjë që ka zemëruar udhëheqësin e vendit, Kim Jong Un.

Ri Hyong-son, zëvendësdrejtor i Departamentit të Industrisë së Municioneve të Partisë së Punëtorëve në pushtet, ishte “kryesisht përgjegjës për aksidentin e rëndë” javën e kaluar, tha të hënën agjencia shtetërore e lajmeve KCNA.

Shkatërruesi 5,000 tonësh ishte përmbysur dhe kishte dëmtuar trupin e tij , në atë që Kim e kishte përshkruar si një “akt kriminal” që “dëmtoi rëndë dinjitetin dhe krenarinë e vendit”.

Anija po riparohet nën drejtimin e një grupi ekspertësh, njofton KCNA.

Ri Hyong-son , i cili është pjesë e Komisionit Qendror Ushtarak të partisë, është zyrtari më i lartë i arrestuar deri më tani për incidentin.

Komisioni komandon Ushtrinë Popullore Koreane dhe është përgjegjës për zhvillimin dhe zbatimin e politikave ushtarake të Koresë së Veriut.

Gjatë fundjavës, Pheniani arrestoi gjithashtu tre zyrtarë në kantierin detar verior Chongjin, ku u ndërtua shkatërruesi dhe ku dështoi lëshimi i tij.

Zyrtarët ishin kryeinxhinieri, kreu i ndërtimit dhe një menaxher administrativ.

Kim më parë tha se incidenti i së mërkurës ishte shkaktuar nga “pakujdesia absolute, papërgjegjësia dhe empirizmi joshkencor”.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026