Vlorë, ekzekutohet me breshëri automatiku 40-vjeçari

Bledar Birçaj, 40-vjeç, u qëllua sot për vdekje me kallashnikov nga persona të paidentifikuar, teksa po lëvizte me makinë në lagjen “Hajro Çakerri” të Vlorës.

Për të kryer vrasjen autorët përdorën një makinë, e cila u shfrytëzua edhe për largimin nga vendngjarja. Nga të shtënat Birçe mbeti i plagosur rëndë dhe ndërroi jetë gjatë transportit për në spital.

Gazetarja e Euronews Albania, Ebrieta Maçaj raportoi se në momentin e ngjarjes 40-vjeçari udhëtonte me dikë tjetër në makinë, i cili ka mundur të shpëtojë dhe është shoqëruar në polici për të dëshmuar.

Birçaj njihet në qyteti ne Vlorës pasi familjarë të tij administrojnë një bar përgjatë “Lungomares”. Ai qe arrestuar në vitin 2011 si i dyshuar për një tentativë vrasjeje, ndërsa vitet e fundit pati emigruar në Spanjë.

Autoritetet dyshojnë se 40-vjeçar mund të jetë përfshirë në grupet e trafikut të drogës dhe konfliktet e mundshme mes bandave.