Kina lëshon anijen kozmike që do të mbledhë mostra nga asteroidi pranë Marsit

Kina ka lëshuar një anije kozmike që premton të kthejë mostra nga një asteroid pranë Marsit dhe të japë “zbulime të jashtëzakonshme dhe të zgjerojë njohuritë e njerëzimit për kozmosin”, tha agjencia hapësinore e vendit.

Sonda Tianwen-2 u nis herët të enjten nga Kina jugore me anë të një rakete Long March 3-B.

Sonda do të mbledhë mostra nga asteroidi 2016HO3 dhe do të eksplorojë kometën e rripit kryesor 311P, e cila ndodhet edhe më larg Tokës sesa Marsi, sipas Administratës Kombëtare Hapësinore të Kinës (CNSA).

Shan Zhongde, kreu i CNSA-së, u citua të ketë thënë se misioni Tianwen-2 përfaqëson një “hap të rëndësishëm në udhëtimin e ri të Kinës në eksplorimin ndërplanetar” dhe gjatë misionit të tij dhjetëvjeçar do të “sjell zbulime të reja dhe do të zgjerojë njohuritë e njerëzimit për kozmosin”.

Mostrat nga 2016HO3 pritet të kthehen pas rreth dy vitesh. Asteroidët, të zgjedhur për orbitat e tyre relativisht të qëndrueshme, pritet të ofrojnë të dhëna mbi formimin e Tokës, siç është origjina e ujit.

LEXONI GJITHASHTU:

• “Ku ka fëmijë, duhani të zhduket!” Franca vendos kufizime të reja nga 1 korriku
• Forcim i partneritetit strategjik, Rubio takohet me homologun maqedonas