Të mërkurën mbërrijnë në Kosovë edhe 38 mijë vaksina anti-COVID

Të mërkurën në Kosovë do të mbërrijnë edhe 38 mijë e 400 doza të tjera të vaksinë anti-COVID-19, vaksina këto që vijnë në kuadër të aleancës COVAX.

Lajmi është dhënë nga Ministria e Shëndetësisë.

Me pranimin e këtyre dozave të vaksinës kundër COVID-19 do të vijohet edhe më tej vaksinimi i kategorive të parapara sipas planit shtetërore të vaksinimit kundër COVID-19.

“Këto doza do të arrijnë në Kosovë të mërkurën paradite. Me pranimin e këtyre dozavë të vaksinës kundër COVID-19, do të vijohet më tej me vaksinimin e kategorive të parapara sipas Planit Shtetëror të vaksinimit kundër COVID-19”, thuhet në njoftimin e ministrisë së Shëndetësisë.

Ndërkohë situata epidemiologjike në Kosovë është e qëndrueshme. Një ditë më parë u raportuan për 95 raste të reja pozitive dhe për 5 viktima.

Ndërsa numri i pacientëve të cilët kanë arritur të fitojnë betejën me COVID-19 është 291 gjatë 24 orëve të fundit.

Lexoni gjithashtu:

​Katër të vdekur dhe 170 raste të reja me COVID-19 në Kosovë