Ukraina: Kemi pranuar 1.200 trupa nga Rusia

Ukraina tha të premten se ka pranuar 1.200 trupa të paidentifikuar nga Rusia si pjesë e një marrëveshjeje të arritur gjatë bisedimeve të paqes të mbajtura në Stamboll.

“Trupat e 1.200 personave të vdekur janë kthyer në Ukrainë”, tha shtabi ukrainas për të burgosurit e luftës.

“Sipas palës ruse, trupat u përkasin qytetarëve ukrainas, përfshirë personelit ushtarak”.

Javën e kaluar, Moska tha se do t’i dorëzonte në mënyrë të njëanshme Ukrainës trupat e 6.000 ushtarëve të vrarë, gjë që Kievi e quajti një “këmbim”.

Marrëveshja u vu në pikëpyetje më herët gjatë javës pasi Rusia akuzoi Ukrainën se nuk po shkonte që të merrte trupat, teksa Kievi u kundërpërgjigj duke e akuzuar Moskën se po luante “një lojë të ndyrë politike”.

LEXONI GJITHASHTU:

• Sulmi i Izraelit ndaj Iranit, anulohen fluturimet Tiranë-Tel Aviv dhe anasjelltas
• Sulmi izraelit, Irani thërret ambasadoren zvicerane për të paralajmëruar SHBA-në