Serbia e Bosnja votuan kundër deklaratës së Samitit të Evropës Juglindore në Tiranë

Nën kryesimin e Presidentit të Republikës, Bajram Begaj, në Tiranë u zhvillua këtë të hënë Samiti i SEECP-së me pjesëmarrjen e liderëve të Procesit të Bashkëpunimit të Evropës Juglindore.

Në përfundim të Samitit ka pasur diskutime lidhur me deklaratën e përbashkët e cila ishte parashikuar të firmosej para fotos familjare. Një gjë e tillë nuk ndodhi.

Serbia dhe Bosnje-Hercegovina kanë votuar kundër deklaratës së përbashkët të Samitit të Evropës Juglindore.

Sipas burimeve të siguruara nga gazetarja e Euronews Albania, Serbia ka pasur vërejtje dhe rezerva për nënshkrimin e marrëveshjes së përbashkët për Ukrainën dhe Lindjen e Mesme.

“Kryeministri i Serbisë ishte i pari i cili u largua nga një takim, fillimisht ka pasur një tryezë të përbashkët dhe për të arritur nëj dakordësi për marrëveshjen mes 13 udhëheqësve, të Europës Juglindore. Në një takim të dytë pas fotos familjare kryeministri i Serbisë dhe Bosnjë Hercegovina kanë refuzuar të firmosin marrëveshjen për dy çështje që kanë të bëjnë me Rusinë dhe Ukrainën dhe me Izraelin dhe me Iranin”,-tha për Euroneës Albania gazetarja Enkeleda Mema.

LEXONI GJITHASHTU:

• Raporti i OBSH: Sëmundjet kronike të frymëmarrjes, mbi 80 mln të prekur në Evropë
• Gavrillo Millosavleviç lirohet nga akuza për krime lufte në burgun e Dubravës