Komisioni Qendror i Zgjedhjeve nis shqyrtimin e ankimimeve

Komisioni i Ankimimeve dhe Sanksioneve pranë Komisionit Qendror të Zgjedhjeve vendosi të kthejë për plotësim disa kërkesa ankimore të subjekteve zgjedhore për rezultatin e 25 prillit dhe kaloi për shqyrtim disa të tjera.

Kështu, pas verifikimeve, KAS vendosi kalim për shqyrtim të kërkesave ankimore nr. 33, nr. 34, nr. 35, nr. 36, nr. 37, nr. 38, nr. 39, nr. 40, nr. 41, nr. 42, nr. 43, nr. 44, nr. 46, nr. 48, nr. 49, nr. 51, nr. 52 dhe nr. 53 me ankues Lëvizjen Socialiste për Integrim, Partinë Demokratike dhe kandidatatët e propozuar nga zgjedhësit z. Iljaz Shehu, z. Boiken Abazi, z. Kreshnik Merxhani.

Shqyrtimi i këtyre ankimimeve do të fillojë nga dita e mërkurë në orën 09:30 të mëngjesit.

Gjithashtu, KAS ktheu për plotësim kërkesat ankimore të Tahsim Mehmetit, kandidat për deputet në Vlorë dhe Kostaq Papës nga ABEOK që kërkon shpalljen e pavlefshme të zgjedhjeve në qarkun e Tiranës.

KAS vendosi po ashtu të mos pranojë për shqyrtim kërkesën ankimore të kandidates së PD-së, Lediana Fratari për rinumërim të votave për kandidatët në Tiranë.

Për zgjedhjet e 25 prillit në Komisionin e Ankimimeve dhe Sanksioneve janë dorëzuar 15 kërkesa ankimore nga subjektet politike, ku nëntë kërkesa janë nga PD, që kërkon rivotim në nëntë qarqet që humbi zgjedhjet, katër kërkesa janë nga LSI dhe dy nga koalicioni ABEOK.

KQZ-ja përcaktoi ditën e sotme relatorët për kërkesat e dërguara me numër nga 36 deri në 46. Caktimi i relatorëve u bë me short me gogla dhe sipas Kodit Zgjedhor shqyrtimi i kërkesave duhet të bëhet brenda 24 orëve nga hedhja e shortit të KAS.

Elvin Lako u caktua relator për kërkesat e PD-së për qarkun e Vlorës me nr. 36, Shkodrës me nr. 38 dhe Elbasanit me nr.40.

Elvis Çefa u caktua relator për kërkesat e PD-së për qarkun Korçë me nr. 43 dhe dy kërkesat e LSI-së për qarqet Berat me nr. 34 dhe Durrës me nr. 34.

LEXONI GJITHASHTU: 

• KQZ nis sot shqyrtimin e ankimeve për 25 prillin, PD kërkon pavlefshmëri në 9 qarqe, LSI ankimon edhe Durrësin
• Ankimimet në KAS, Shella: Lajm i keq, fleta e votimit është infrastrukturë bazë e zgjedhjeve
• Ankimet mbi zgjedhjet, Bushati: Opozita po paguan hipokrizinë e marshimit të madh drejt fitores