“Është vështirë të qeverisës në Preshevë”, kryetarja Sinani: Qytetarët përballen edhe me diskriminim

Ardita Sinani, kryetarja e Komunës së Preshevës u shpreh në Euronews Albania se nuk është e lehtë që të qeverisës në këtë komunë për shkak të problematikave të qytetarëve, por edhe diskriminimit.

“Qytetarët e Preshevës përveç varfërisë dhe papunësisë përballen edhe me diskriminimin e vazhdueshëm, por edhe shpërngulja masive që bëhet nga shteti i Serbisë, nga Beogradi zyrtar”, u shpreh zonja Sinani.

“Nuk e kemi të lehtë për të qeverisur se përpos që jemi në shërbim të qytetarëve të Preshevës duhet të mendojmë në aspektin e realizimit të të drejtave kombëtare”, tha ajo më tej.

Zonja Sinani sqaroi edhe marrjen e postit, që sipas saj është vendosur në bazë të vullnetit të qytetarëve.

“22 vota legjitime të mandatarua në Kuvendin Komunal, janë votat e mija legjitime që përkthehen në 11 mijë vota elektorale dhe kanë të drejtën për të krijuar qeverisjen e re”, përfunduar ajo.

Lexoni gjithashtu:

Ardita Sinani kryetare e Preshevës, Shqiprim Arifi nuk siguroi votat e këshillit