Trump tha se po shqyrtonte ndërhyrjen amerikane në Iran, rritet çmimi i naftës

Çmimet e naftës janë rritur ndjeshëm si pasojë e përshkallëzimit të tensioneve mes Iranit dhe Izraelit.

Tregu reagoi menjëherë pas deklaratës së presidenti amerikan Donald Trump, i cili tha se po shqyrtonte mundësinë e një ndërhyrjeje amerikane në Iran.

Çmimi i një fuçie nafte Brent shkoi në 77 dollarë, një rritje prej rreth 4%.

Në të njëjtën kohë, edhe çmimet e gazit natyror kanë ndjekur trendin rritës. Nëse kjo tendencë vijon, mund të ndikojë negativisht dhe të rrisë faturat e energjisë për konsumatorët evropianë në tetor.

Ndërkohë, tregjet financiare kanë shfaqur luhatje të lehta. Indeksi FTSE 100 u hap në rritje me 0.1%, duke arritur në 8,844 pikë, pas një rënieje prej 0.5% një ditë më parë. Rritja ka një bazë të gjerë, edhe pse e moderuar.

Paundi britanik dhe euro po forcohen përballë dollarit amerikan, i cili është në rënie në pritje të vendimit të Rezervës Federale të SHBA për normat e interesit. Nuk priten ndryshime të mëdha në këtë fazë, por komentet e Trump në favor të një uljeje të normave mund të sjellin lëvizje të papritura në treg.

LEXONI GJITHASHTU:

• Udhëheqësi Suprem i Iranit kërcënon Izraelin në tre gjuhë, përfshirë hebraishten
• Mbi 50 avionë luftarakë izraelit sulmojnë objektiva të rëndësishme ushtarake në Iran