“Mund ta bëj, mund të mos e bëj” – Trump flet për sulmet në Iran

18 Qershor 2025 | 16:24

Presidenti amerikan Donald Trump nuk pranoi të thoshte nëse ka marrë një vendim për ndërhyrjen ushtarake të SHBA-së në Iran.

“Nuk e dini që unë do ta bëj fare. Nuk e dini. Mund ta bëj, mund të mos e bëj. Dua të them, askush nuk e di se çfarë do të bëj”, tha Trump në lëndinën jugore të Shtëpisë së Bardhë, ndërsa përgatitej të ngrinte një shtizë të re flamuri sot. “Mund t’ju them këtë, se Irani ka shumë probleme dhe ata duan të negociojnë. Dhe unë thashë, pse nuk negociuat me mua para gjithë kësaj vdekjeje dhe shkatërrimi?”

Ai tha se iranianët kanë kontaktuar për negociata dhe u tha atyre se ishte “shumë vonë”.

“Është shumë vonë për të folur. Nuk e di, ka një ndryshim të madh tani me një jave më parë”, tha Trump.

SHBA-të i kanë ofruar mbështetje mbrojtëse Izraelit që kur filluan sulmet me raketa javën e kaluar. Por Trump përsëri përdori fjalën “ne” për të përshkruar veprimet ushtarake në Iran.

“Asgjë nuk ka mbaruar. E dini, lufta është shumë komplekse. Shumë gjëra të këqija mund të ndodhin. Bëhen shumë kthesa. Kështu që nuk e di. Nuk do të thosha se kemi fituar ende diçka. Do të thosha se me siguri kemi bërë shumë përparim”, tha ai.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026