Shefi i OKB-së i alarmuar nga përshkallëzimi i marrëdhënieve Izrael-Iran

Sekretari i Përgjithshëm i Kombeve të Bashkuara, António Guterres, paralajmëroi se mund të ketë “pasoja të mëdha” nëse luftimet midis Izraelit dhe Iranit vazhdojnë të përshkallëzohen.

Në një deklaratë të lëshuar nga zyra e tij, Guterres thotë: “Mbetem thellësisht i alarmuar nga përshkallëzimi i vazhdueshëm ushtarak në Lindjen e Mesme midis Izraelit dhe Iranit”.

Shefi i OKB-së përsëriti thirrjen e tij për një armëpushim të menjëhershëm, duke shtuar se çdo “ndërhyrje e mëtejshme ushtarake mund të ketë pasoja të mëdha, jo vetëm për ata që janë të përfshirë, por për të gjithë rajonin dhe për paqen dhe sigurinë ndërkombëtare në përgjithësi”.

Guterres u bën thirrje shteteve anëtare të OKB-së që të zbatojnë plotësisht Kartën e OKB-së dhe të drejtën ndërkombëtare, duke thënë se diplomacia është mënyra më e mirë për të adresuar çështjet e sigurisë në rajon.

LEXONI GJITHASHTU:

• Irani s’përmbush detyrimet, miratohet rezoluta ndëshkuese në OKB
• Parlamenti Europian kërkon zgjatje të kohës për shpenzimin e parave të BE pas Covid