Vaksinimi në Kosovë, Sami Uka: Duam të injektojmë 60% të popullsisë brenda vitit

Për procesin e vaksinimit në Kosovës, këshilltar i lartë në Ministrinë e Shëndetësisë, Sami Uka tha për Euronews Albania se pritet që në javët në vijim të mbërrijnë në këtë shtet vaksina të tjera.

“Të hënën pritet një kontingjent tjetër i vaksinave nga KE dhe një kontingjent akoma më i madh një javë më vonë. edhe 100 mijë vaksina prej COVAX”, u shpreh zoti Uka.

Ai theksoi se “duam të arrijmë në synimin tonë që brenda vitit të vaksinojmë 60% të popullsisë të përshtatshme për vaksinim”.

Zoti Uka theksoi se deri më tani qytetarët e Kosovës nuk ka shfaqur mosbesim ndaj vaksinave.

“Kemi ngritur edhe një komitet që merret me efektet anësore të vaksinës. Nuk ka asnjë efekt anësor deri më sot nga vaksinat e përdorura”, përfundoi ai.

Lexoni gjithashtu:

Sfidat e infermierëve në RMV, tre humbën jetën gjatë pandemisë

Sot në Kosovë pritet të mbërrijnë edhe 38 mijë e 400 vaksina anti-COVID