Vrasjet në vend, Meta apel instancave: Autorët duhen ndaluar sa më parë

Presidenti i Republikës, Ilir Meta, ka shprehur shqetësimin në lidhje me vrasjet e fundit të ndodhura në qytetet Vlorë, Elbasan dhe Tiranë.

Me një shënim në faqen zyrtare në “Facebook”, kreu i shtetit thotë se aktet kriminale, që kanë ndodhur në qytetet kryesore të vendit kërkojnë një reagim të shpejtë nga institucionet ligjzbatuese.

“Revanshi i krimit në qytetet kryesore të vendit kërkon masa të menjëhershme reaguese dhe parandaluese, nga të gjitha institucionet e ngarkuara me ligj për mbrojtjen e rendit dhe të sigurisë publike”, thekson ai.

Ai thotë se autorët e këtyre ngjarjeve tragjike duhet të vihen në pranga dhe të marrin dënimin e merituar.

“Autorët e këtyre krimeve duhet të ndalohen sa më parë dhe aktet kriminale të konsumuara në zemër të qyteteve tona, që po tronditin rëndë opinionin, duhen të zbardhen menjëherë nga drejtësia dhe duhet të marrin dënimin më të rreptë ligjor”, shkruan Meta.

Lexoni gjithashtu: 

Kalvari i vrasjeve që çoi deri tek ekzekutimi i 41-vjeçarit në Elbasan

Vlorë, ekzekutohet me breshëri automatiku 40-vjeçari