Trump sulmon Elon Musk: Pa subvencione, do ktheheshe në shtëpi, në Afrikën e Jugut
Presidenti amerikan Donald Trump, ka sulmuar sërish miliarderin Elon Musk, duke deklaruar se themeluesi i Tesla-s “do të mbyllte gjithçka dhe do të kthehej në Afrikën e Jugut”, nëse qeveria federale do të ndërpriste subvencionet për makinat elektrike.
“Elon mund të ketë marrë më shumë subvencione se çdo njeri tjetër në histori, dhe pa to, ndoshta do t’i duhej të mbyllte gjithçka dhe të kthehej në shtëpi, në Afrikën e Jugut,” shkroi Trump në rrjetet sociale të martën, duke iu referuar ish-donatorit të fushatës së tij, i cili zotëron kompaninë prodhuese të automjeteve elektrike, Tesla.
Reagimi i presidentit erdhi pasi Musk kritikoi sërish ligjin e shumëdebatuar të administratës Trump, të cilësuar nga presidenti si “Big Beautiful Bill”, duke e quajtur reduktimin e kredive për automjetet elektrike dhe energjinë e pastër si “jashtëzakonisht shkatërrues” dhe “vetëvrasje politike për Partinë Republikane”.
“Elon Musk e dinte shumë mirë, shumë kohë përpara se të më mbështeste publikisht për President, që unë kam qenë gjithmonë kundër detyrimit për makina elektrike. Është absurde dhe ka qenë pjesë qendrore e fushatës sime. Makinat elektrike janë në rregull, por askush nuk duhet të detyrohet t’i blejë ato,” u shpreh Trump.
Aktualisht, nuk ka asnjë ligj në SHBA që detyron qytetarët të përdorin automjete elektrike, por qeveria ofron lehtësime fiskale për të inkurajuar blerjen e mjeteve më miqësore me mjedisin.
“Nuk do të ketë më lëshime raketash, satelitësh apo prodhim makinash elektrike, dhe vendi ynë do të kursejë një PASURI. Ndoshta duhet ta lëmë DOGE-n të hedhë një sy të fortë mbi këtë? Ka shumë para për të kursyer!!!” shtoi Trump, duke kritikuar gjithashtu kontratat fitimprurëse të kompanisë SpaceX të Musk me qeverinë amerikane.
LEXONI GJITHASHTU:
Kryefaqja
“I kemi të gjithë në varrim, por nuk do t’i godasim”, Trump deklarata të forta për udhëheqjen iraniane
Protesta në Francë, kërkohet reformë e thellë në luftën kundër dhunës seksuale
Le Pen në gjyq vendimtar në Paris, rrezikon përjashtimin nga gara presidenciale e 2027!
- 21:15 Përfundon ëndrra e Kanadasë në Botëror, Maroku dominon dhe siguron kualifikimin pas fitores 3-0
- 20:45 “I kemi të gjithë në varrim, por nuk do t’i godasim”, Trump deklarata të forta për udhëheqjen iraniane
- 20:36 Shqiptari vjen nga Britania e Madhe në protestë: Rama përballet me shqiptarët, jo me “agjentë të huaj”
- 20:25 Protesta në Francë, kërkohet reformë e thellë në luftën kundër dhunës seksuale
- 19:52 Protesta në Tiranë, Dritan Goxhaj mesazh urimi për Shtetet e Bashkuara të Amerikës
- 19:38 Protestuesit sjellin torta në bulevard në ditëlindjen e kryeministrit: Populli të uron! (VIDEO)