Durrës: Katër persona marrin me forcë dhe dhunojnë 48-vjeçarin, në kërkim autorët

Një ngjarje e rëndë ka ndodhur në qytetin e Durrësit, ku katër shtetas morën me forcë një 48-vjeçar në automjet dhe e dhunuan.

Sipas burimeve policore, menjëherë pas kallëzimit të shtetasit me iniciale, D. S., 48 vjeç, që u mor me forcë dhe u dhunua nga katër persona, Komisariati i Policisë Durrës nisi hetimet për të zbardhur ngjarjen.

Si rezultat i veprimeve hetimore janë identifikuar katër shtetasit e dyshuar, të cilët janë A. K., 27 vjeç, K. K., 31 vjeç, J. K., 35 vjeç dhe S. P., 27 vjeç, të gjithë banues në Durrës. Policia ka sekuestruar automjetin e përdorur nga autorët dhe vijon punën për kapjen e tyre dhe dokumentimin e plotë të ngjarjes.

Ndërkohë, viktima ndodhet nën kujdesin mjekësor dhe jashtë rrezikut për jetën.

LEXONI GJITHASHTU:

• Vazhdon zjarri në landfillin e Elbasanit, tymi përhapet deri në Cërrik
• Shtyhet seanca për pretencën e ish-kryebashkiakut të Himarës, Jorgo Goro