Zjarr në kabinën elektrike të një pallati banimi në Gjirokastër, çfarë dyshohet

Një zjarr i rënë në kabinën elektrike në katin përdhes të një pallati 4-katësh në qytetin e Gjirokastrës ka shkaktuar shqetësim, por falë ndërhyrjes së shpejtë të zjarrfikësve, është shmangur një katastrofë më e madhe. Ngjarja u regjistrua mëngjesin e sotëm në lagjen “18 Shtatori”, kur kabina elektrike u përfshi nga flakët.

Banorët e pallatit njoftuan menjëherë autoritetet, e më pas ekipet zjarrfikëse mbërritën në vendngjarje me mjetet përkatëse dhe u përpoqën për të neutralizuar flakët që kishin marrë përmasa të mëdha.

Falë reagimit të shpejtë dhe ndërhyrjes efikase, zjarrfikësit arritën të shuarin zjarrin dhe të parandalonin çdo dëmtim tjetër material apo lëndime tek banorët e pallatit. Dyshohet se shkaku i këtij zjarri ka qenë mbingarkesa e përdorimit të energjisë elektrike, që ka shkaktuar ndezjen e kabinës. Fatmirësisht, nuk pati pasojë të tjera tragjike dhe banorët e pallatit janë të sigurt.

LEXONI GJITHASHTU:

• Elbasani katër ditë nën tymin toksik, zjarri ka depërtuar në thellësi të mbetjeve
• VIDEO| Edi Rama feston 61-vjetorin, pritet me duartrokitje dhe lule në selinë rozë