Elbasani katër ditë nën tymin toksik, zjarri ka depërtuar në thellësi të mbetjeve

Për të katërtën ditë me radhë, zjarri që ka përfshirë fushën e mbetjeve urbane në Elbasan vijon të shkaktojë shqetësime të mëdha për banorët dhe mjedisin.

Flakët janë përhapur në thellësitë e landfillit, ku depërtimi i flakëve ka bërë që mbetjet të vazhdojnë të digjen, duke krijuar një re të dendur tymi që ka mbuluar zonën përreth. Ky fenomen ka përkeqësuar ndjeshëm cilësinë e ajrit, duke rrezikuar shëndetin e qytetarëve dhe të gjithë zonës.

Në një kohë kur situata mbetet alarmante, qytetarët dhe aktivistët kanë shpallur një protestë për sot, përpara Prokurorisë dhe Bashkisë së Elbasanit. Ata kërkojnë përgjegjësi nga institucionet për menaxhimin e kësaj krize dhe për masat që duhen marrë për të parandaluar rrezikun që zjarri i mbetjeve po i sjell shëndetit publik dhe mjedisit.

LEXONI GJITHASHTU:

• Zjarr në kabinën elektrike të një pallati banimi në Gjirokastër, çfarë dyshohet
• Zjarret pyjore në Turqi morën dy jetë, pretendohet për zjarrvënie të qëllimshme