Armenia akuzon Azerbajxhanin për shkelje në territorin e saj, reagon Franca dhe SHBA-ja

Pashinyan akuzoi Azerbajxhanin se u përpoq për të rrethuar liqenin Sev, i cili ndahet nga të dy vendet, dhe tha se ushtria e vendit i ishte përgjigjur shkeljes me manovra të përshtatshme taktike.

Baku hodhi poshtë akuzat si “provokuese” me Ministrinë e Jashtme duke deklaruar: “Rojet kufitare po marrin pozicione që i përkasin Azerbajxhanit në rrethet Lachin dhe Kalbajar”.

Në deklaratë u theksua se shteti i Azerbajxhanit “është i përkushtuar për të lehtësuar tensionet në rajon dhe bën thirrje për masa në këtë drejtim.”

Presidenti francez Emmanuel Macron u ka bërë thirrje trupave azerbajxhanase që të tërhiqen menjëherë.

Franca bashkëkryeson grupin e Minskut, së bashku me SHBA dhe Rusinë, i cili synon të gjejë një zgjidhje paqësore të konfliktit midis dy vendeve për rajonin e Nagorno-Karabakh.

Ndërsa Uashingtoni thotë se ata “po e ndjek nga afër” situatën.

“Ne e kuptojmë që komunikimi midis palëve është duke vazhduar dhe kërkojmë përmbajtje në de-përshkallëzimin e situatës në mënyrë paqësore,” tha zëdhënësi i Departamentit të Shtetit, Ned Price, në Twitter.

Tensionet midis dy vendeve kanë filluar të ziejnë që nga fundi i një lufte në vitet 1990 mbi Nagorno-Karabakh, e cila njihet ndërkombëtarisht si pjesë e Azerbajxhanit, por kontrollohet nga armenët etnikë.

Lexoni gjithashtu:

Tensionet Izrael-Hamas, asnjë nga palët nuk jep shenja paqeje

Izraeli dërgon ushtrinë në kufi, thirren në shërbim 3000 rezervistë, SHBA pritet të nisë diplomatin e posaçëm