Përfundon testi fizik për 7 kandidatët për kreun e BKH

Në ambientet e repartit RENEA u zhvillua këtë të enjte testi fizik për 7 kandidatët që garojnë për postin e kreut të Byrosë Kombëtare të Hetimit. Testimi nisi në orën 07:30 të mëngjesit dhe përfshiu ushtrime si pompa, sprint 300 metra dhe vrapim në distancë 2.4 kilometra.

Procesi u monitorua nga anëtari i Komisionit të Posaçëm, Behar Dibra, si dhe nga profesorë të Edukimit Fizik të Universitetit të Sporteve, të cilët ndoqën nga afër ecurinë e testit.

Sipas njoftimeve zyrtare, deri të premten pritet të publikohen rezultatet që do të përcaktojnë se cilët prej kandidatëve do të kalojnë në fazën e tretë të garës.

Në vazhdim, kandidatët që do të kualifikohen do t’i nënshtrohen edhe esesë me shkrim, testit të poligrafit dhe intervistës përfundimtare.

Kandidatët që iu nënshtruan testit fizik janë:

• Andi Pogaçe
• Artur Beu
• Elton Kërluku
• Gentian Ndoi
• Gentjan Shehaj
• Gledis Nano
• Joni Keta

LEXONI GJITHASHTU:

• SPAK publikon listën e kandidatëve për kreun e BKH, kush janë emrat në garë
• Përfundon sot afati i aplikimeve për drejtuesin e ri të BKH, në garë dhe Gledis Nano