Vrasja e kolonelit ukrainas, likuidohen dy agjentë rusë që i rezistuan arrestimit

Ukraina njoftoi se dy agjentë që punonin për Rusinë janë vrarë, pas vrasjes së një oficeri të lartë të inteligjencës ukrainase të enjten.

Kreu i Shërbimit të Sigurisë së Ukrainës (SBU), Vasyl Malyuk, deklaroi në një video se dy agjentët që punonin për shërbimin rus të sigurisë, FSB, u lokalizuan dhe “likuiduan” pasi i rezistuan arrestimit të dielën në mëngjes.

Ky incident ndodhi pas vrasjes së kolonelit Ivan Voronych, i cili u qëllua disa herë në një parking në Kiev gjatë mesditës. Sulmuesi i paidentifikuar u largua menjëherë nga vendi i ngjarjes.

Policia kombëtare ukrainase njoftoi se dy agjentët e vrarë ishin “qytetarë të një vendi të huaj”, pa dhënë detaje shtesë. Nga ana e Rusisë nuk pati një përgjigje të menjëhershme.

Pamjet e kamerave të sigurisë nga 10 korriku, të verifikuara nga agjencia Reuters, treguan një burrë që doli nga një ndërtesë në lagjen Holosiivskyi të Kievit rreth orës 09:00 (ora lokale), ndërsa një tjetër burri vrapoi drejt tij.

SBU deklaroi se dyshuarit kishin ndjekur lëvizjet e kolonelit Voronych para sulmit dhe u kishin dërguar koordinatat e një vendi të fshehur ku gjetën një pistoletë me silenciator. Pas vrasjes, ata u përpoqën të largoheshin, por u kapën pas një hetimi të përbashkët me policinë kombëtare.

SBU-ja, e ngjashme me MI5 e Mbretërisë së Bashkuar, është përgjegjëse për sigurinë e brendshme dhe kundërzbulimin, dhe që nga pushtimi rus në vitin 2022 ka luajtur një rol të rëndësishëm në sulme sabotuese brenda territorit rus.

Burime të brendshme të sigurisë ukrainase i thanë BBC-së se SBU ishte përgjegjëse për vrasjen e gjeneralit të rangut të lartë rus Igor Kirillov në dhjetor 2024. Në prill, gjenerali Yaroslav Moskalik u vra në një sulm me makinë-bombë në Moskë, për të cilin Kremlini fajësoi Kievin. Megjithatë, shërbimet ukrainase nuk e kanë pranuar zyrtarisht përgjegjësinë për këto vrasje.

Vdekjet e kësaj jave ndodhin në një kohë kur sulmet ruse në Ukrainë kanë arritur nivele rekord. Presidenti Volodymyr Zelensky deklaroi të martën se Ukraina po përballet me sulmin më të madh ajror rus ndonjëherë. Në qershor, sipas OKB-së, Ukraina regjistroi numrin më të lartë të viktimave civile në një muaj në tre vitet e fundit.

Luftimet vazhdojnë në vijën e frontit, me ushtrinë ruse që po shënon përparime të ngadalta në Ukrainën lindore dhe po rimerr kontrollin e pjesës më të madhe të rajonit Kursk në Rusi, të cilin forcat ukrainase e kishin pushtuar në një ofensivë verore të papritur.

Përpjekjet për të negociuar një armëpushim në këtë konflikt më shumë se trevjeçar kanë dështuar.

LEXONI GJITHASHTU:

• Vritet koloneli i shërbimit sekret ukrainas, ekzekutohet në një atentat në Kiev
• Koloneli Demiraj: Shqetësimi më i madh për SHBA-në është Kina, jo Rusia