Akademi për trajnimin e bashkive në vend, Qeveria miraton vendimin

Qeveria shqiptare ka marrë vendimin për krijimin e një Akademie të Pushtetit Vendor e cila do trajnojë të gjithë punonjësit e Bashkisë që nga kryetari deri te punonjësi më i thjeshtë.

Akademia do drejtohet nga nje komitet që përbëhet nga vetë bashkitë dhe nga qeveria nëpërmjet Ministrit të pushtetit vendor. Qeveria ka autorizuar ministrin e Pushtetit Lokal, post të cilin e mban Arbjan Mazniku, për të negociuar dhe nënshkruar me bashkitë e vendit marrëveshjen sipas të cilës do të emërohen më pas drejtuesit e rinj të njësive administrative nëpër bashkitë e vendit, të dorëhequr masivisht pas ultimatumit të dhënë nga Kryeministri Edi Rama.

Sipas autorizimit, Mazniku do të jetë në krye të një organizate jofitimprurëse që do të ngrihet mes ministrisë që ai drejton dhe bashkive të vendit. Kjo organizatë, thuhet në vendimin e qeverisë ka për kompetencë ‘zhvillimin e kualifikimin profesional të qëndrueshëm të të zgjedhurve, nëpunësve civilë dhe punonjësve të tjerë në njësitë e vetëqeverisjes vendore, me qëllim rritjen e performancës profesionale për t’u shërbyer komuniteteve dhe për t’i ndihmuar ato në përmbushjen e funksioneve të veta dhe kompetencave, sipas legjislacionit në fuqi, si dhe për përmbushjen e sfidave, që lidhen me procesin e integrimit në Bashkimin Evropian’.

Të gjjtha bashkitë do kontribuojnë financiarisht për të garantuar mbarëvajtjen e akademisë. Gjysmën e kostos e paguan qeveria dhe gjysmën vetë bashkia. Kostoja do përdoret për trajnime të vazhdueshme te stafeve