VIDEO/ Makina përplas të moshuarin me biçikletë, 72-vjeçari përfundon në spital

Një aksident rrugor është regjistruar mëngjesin e sotëm në lagjen “Partizani” të qytetit të Shkodrës, ku një i moshuar ka mbetur i plagosur.

Sipas informacioneve paraprake nga Policia e Shkodrës, ngjarja ka ndodhur rreth orës 08:50, kur një automjet i drejtuar nga shtetasi Y. D. dyshohet se ka humbur kontrollin dhe ka përplasur një 72-vjeçar, identifikuar si Sh. B., i cili po lëvizte me biçikletë në momentin e aksidentit. Sipas njoftimit i moshuari ka rezultuar të jetë kundravajtje.

I moshuari është dërguar me urgjencë në Spitalin Rajonal të Shkodrës, ku ndodhet nën kujdesin e mjekëve.

Ndërkohë, ndaj drejtuesit të mjetit po kryhen veprimet procedurale, ndërsa grupi hetimor vijon punën për zbardhjen e plotë të rrethanave të ngjarjes.

LEXONI GJITHASHTU:

• 23-vjeçari shqiptar vdes në aksident, përplaset me pemën gjatë ndjekjes nga policia