Pendohet për vrasjen e shokut, Marjus Dema shpërthen në lot para gjykatës, lihet në arrest me burg

Arrest me burg deri në përfundim të hetimeve ka vendosur gjykata për Marius Demën, të arrestuar për vrasjen e shokut të tij Mehmet Qama. Dy nga katër të arrestuarit e tjerë do të qëndrojnë në arrest shtëpie, pasi akuzohen se fshehën pistoletën dhe gëzhojën nga vendi i ngjarjes, ndërsa dy të tjerë do të hetohen në gjendje të lirë.

Gjykata e Tiranës caktoi masën e sigurisë arrest me burg për Marjus Demën, 28-vjeçarin që vrau me pistoletë shokun e tij Mehmet Qema.

Para gjyqtares Shefkie Demiraj ai u shfaq i penduar duke mbajtur dot lotët. Gjykata pranoi kërkesën e prokurorisë duke lënë nën masën e arrestit shtëpiak edhe Frenkli Myftarin e Xhuliano Koçin pasi akuzohen se kanë fshehur pistoletën me të cilën u vra 27-vjeçari së bashku me gëzhojën.

Ndërsa katër shokët e tjerë që gjendeshin në tavolinë në momentin e vrasjes  do të hetohen në gjendje të lirë për akuzën e mos kallëzimit të krimit.

Referuar dosjes hetimore, 28-vjeçari Dema ka deklaruar përballë hetuesve se nuk kishte për qëllim të vriste Qemën, por pistoleta ishte shkrepur aksidentalisht. Dema ka treguar për hetuesit se ishte tronditur shumë nga vrasja e shokut të tij, ndërsa nuk kishte dijeni që pistoleta kishte fishekë. Pas vrasjes ai ka treguar se u largua i frikësuar, por gjatë gjithë kohës kishte qarë.

Sipas hetimeve, kjo provohet edhe nga dëshmia e pronarit të një servisi që tregon momentet e para të ngjarjes së rëndë. Mehmet Qema u vra më një plumb në gjoks nga shoku i tij gjatë kohës që po qëndronin në një lokal mbrëmjen e 10 majit në kryeqytet.