VIDEO/ Vuçiç dorovit muzikantët në festë, kush është shqiptari përkrah tij

Të martën në Serbi u zhvillua një ceremoni e madhe për hapjen e aksit Pakovrace-Pozega pjesë e autostradës “Milos Veliki”.

Në këtë ngjarje morën pjesë presidenti serb Aleksandër Vuçiç, kryetarja e parlamentit Ana Brnabiç, Ministri i Punëve të Brendshme Ivica Daçiç, si dhe ministri shqiptar Demo Berisha, i cili është edhe President i Partisë Përparimtare Serbe, përveç disa ministrave të tjerë të kabinetit.

Nga pamjet e publikuara në rrjete sociale shihen zyrtarët e lartë serb duke shijuar ushqimin mes muzikës tradicionale. Vëmendjen e mori presidenti Vuçiç i cili u shfaq duke shijuar muzikën me një gotë birrë në dorë dhe duke kënduar këngë çetnike. Në një moment ai është kapur nga kamerat duke i hedhur lekë muzikantëve që po luajnë në ceremoni.

Përkrah Vuçiç në këtë festë ka qenë dhe një shqiptar pro-serb nga Lugina e Preshevës, i identifikuar si Demo Berisha, zyrtar i Partisë Përparimtare Serbe.

Aksi i ri i autostradës Pakovrace-Pozega, me gjatësi 19.5 kilometra, që u inaugurua nga Vuçiç, kalon nëpër zonat kodrinore mes Çaçakut dhe Pozhegës. Rruga përfshin 35 ura me gjatësi totale 5196 metra, si dhe disa mbikalime dhe tre tunele.